खार मा परगट ए अनपुरना दाई
बैला गाड़ी के डोला सजे हे ओ
बियारा मा ऊ तर के घर मा आबे
बैला गाड़ी के डोला सजे हे ओ
बियारा मा ऊ तर के घर मा आबे
देवारी के बाजा बजे हे ओ
करपा करपा तोर चरण पखारव
रास रास सजावव ओ दाई
ओरछ ओरछ दुवारी म पानी
कोठी म तोला बैठारव ओ दाई
***********************
हांसै हंसिया कै चक लुवा गे
नाचै नरई बने सीला बिना गे
बंधा बंधा के बोझा जोरा गे
काबा काबा खरही गंजा गे
रात पहाती दउरी हा फंदा गे
धान मिंजागे पइरा सकला गे
सुपा सुपा उड़ियागे ओसा गे
काठा काठा लंघियात नपा गे
-एमन दास मानिकपुरी
मो 7970006698
मो 7970006698
कोई टिप्पणी नहीं:
एक टिप्पणी भेजें